Hvað viltu láta gera? Planta trjám í Vatnsendahæðina. Sígræn tré í bland við aðrar trjátegundir sem fella lauf á haustin. Hvers vegna viltu láta gera það? Auka skjól fyrir vindi (austan og suð-austan áttinni) og umferðhávaða af væntanlegum Arnarnesveg sem þverar Vatnsendahæðina. Það stendur til að skera Vatnsendahæðina milli Breiðholtsins og Kórahverfis Kópavogs með Arnarnesveginum. Plöntun trjá milli vegarstæðisins og Seljahverfisins mun draga úr ónæðis af umferðinni þar og auk skjólið í hverfinu fyrir austanáttinni. Plöntun trjáana gæti verið verkefni fyrir skólana í hverfinu eða unglingavinnuna næsta vor.
Vel gerlegt að rækta skóg þarna og maður sér fyrir sér skógarbelti eins og er á milli Bakka og efra Breiðholts. Ætti að skýla vel fyrir austanátt og hávaða frá brautinni ef og þegar hún kemur.
Það er nokkuð ljóst að Arnarnesvegurinn mun verða lagður þarna. Þvi er mjög sniðugt að planta niður skjólbelti trjáa til að draga úr hávaða, binda koltvísýring og brjóta niður vindhviður sem koma úr suðrinu.😁
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og verður ein af þeim hugmyndum sem stillt verður upp á fundi íbúaráðs Breiðholts á fimmtudaginn næstkomandi þann 15. apríl milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/184485366578370/. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Arnarnesvegur á eftir að auka svifryksmengun yfir Seljahverfið og vetragarðinn. Því er mikilvægt að gróðursetja tré meðfram veginum og neðar sem mun veita Seljahverfinu skjól og einangra betur mengunina.
Þetta myndi vera frábært fyrir þetta svæði.
Það er allt sem mælir með þessari góðu hugmynd
Minnka áhrif væntanlegar umferðar og auka skjól.
Enginn spurning- veitir meira skjól fyrir vindi í efrihluta seljahverfis og hljóðskjól vegna væntanlegrar hraðbrautar (arnarnesvegur) - Þarna er kjörið tækifæri til að byggja upp grænt belti með göngustíg og þéttvöxnum trám sem munu hlykkjast í vatnsendahæðinni.
Kæri hugmyndahöfundur Uppstilling kjörseðla fyrir kosningarnar í íbúalýðræðisverkefninu Hverfið mitt fór fram á opnum fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Þín hugmynd var því miður ekki valin áfram og verður því ekki á kjörseðlinum að þessu sinni. Nánari upplýsingar um fyrirkomulagið má finna hér: https://reykjavik.is/uppstilling-kjorsedla-fyrir-hverfid-mitt Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og ljóst að margar góðar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. F.h. Hverfið mitt Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation